Altzasu elkarteko IZAERA
1964ko ekainaren 17an eratu eta 1964ko eta 1965eko abenduaren 28an legeztatu zen (Erregistroko zk.: AS.R.P.G.75) Bergarako irabazi asmorik gabeko “ALTZASU” Gastronomi eta Mendi Elkartea.
Egitasmo hau, sortzaile lagun talde bati dagokio. Hasierako lagun talde harek, 1964. mendi eta gastronomi elkarte bat sortzeko asmoa izan zuen Gorla inguruan. Eta horretarako Altzasu ezaguneko eremuan (hortik datorkio elkarteari bere izena), lurrak erosi eta eraikin bat egiteko proiektua landu zuten. Bitxikeri moduan, gaur egun ezagutzen dugun moduko 3 eraikin egitea izan zen lehenengo asmotariko bat.
Ordutik, zenbait belaunaldi pasatu dira Altzasutik, urtetik urtera elkartea zaindu eta hobetuz.
Irabazi asmorik gabeko Elkarte honen helburuak gastronomia eta mendia dira bakarrik, eta, bereziki, bazkideei elkarte-egoitza bat eskaintzea, haien biltoki izan dadin.
Aipatutako helburuak iristeko, ezarrita dauden lege-betebeharrak beterik lehenik, ondoko hauek egingo dira:
- Bazkideen eta haien senitartekoen gastronomi eta mendi kultura bultzatu.
- Era guztietako ekintzak eta hitzarmenak egin, hauek Elkarteko helburuekin bat baldin badatoz.
Aurreko atalean deskribatutako jarduerei kalterik egin gabe, Elkarteak, bere helburuak iristeko, hauek ere egin ditzake:
- Era guztietako ekonomia jarduerak, bere helburuak gauzatzeko edo horretarako bitartekoak eskuratzeko.
- Era guztietako ondasunak erosi eta eduki edozein tituluz, nahiz era guztietako ekintzak eta hitzarmenak egin, beti ere elkartearen helburuekin bat datozelarik.
- Era guztietako ekintzak egin, beti ere Legeen edo Estatutuen arabera.
Argazkiak: Bergarakoartxiboa.eus
Oroitzapenak… 1970 urtea
Pol-Pol-eko gaztetxoen akanpada: Gizon taldea lurrean jarritako su txiki batean janaria prestatzen. Altzasu elkarteko beheko solairuan, oraindik itxi barik zegoenean
Argazkiak: Bergarakoartxiboa.eus